Davlatimiz rahbari raisligida qishloq xo‘jaligida suv va energiya resurslaridan unumli foydalanish masalalari yuzasidan o‘tkazilgan yig‘ilish davomida suv yo'llarini betonlashtirish borasida bir qator topshiriqlar berilgan edi.

Shunga asosan, Gurlan tumanida bu boradagi ishlar jadal suratda davom etmoqda.

Xususan, Gurlan tumanida hozirga qadar 108,3 kilometrida betonlashtirilgan bo’lib, 2024-yil yakunigacha suv tarmoqlarining 113,7 kilometrini betonlashtirish reja qilingan.

Bugun Gurlan tumani Chakkalar mahallasi “Ollam Davlat” fermer xo‘jaligi dalalarida ichki ariqlarni betonlashtirish, suv tejovchi texnologiyalar va suvni iqtisod qiluvchi masalalari bo‘yicha amaliy seminar bo'lib o'tdi.

Seminarda tuman hokimi Ruslan O’razbayev, sektor rahbarlari, soha mutaxassislari va fermerlar ishtirok etishdi.

Seminarda tuman hokimi va soha mutaxassislari tomonidan  ichki suv tarmoqlarini betonlashtirishning afzalliklari,  hududlarda "Yashil makon" umummilliy loyihasi doirasida kuzgi ko'chat ekish mavsumida tuproq hamda iqlim sharoitiga mos ko'chatlarini ekilishi, shuningdek, g‘alla parvarishida olib borilishi lozim bo‘lgan agrotexnik tadbirlar to’g’risida ma’lumot berildi.

Ayni paytda, suv tarmoqlarini betonlashtirish va sizot suvlari oquvchi kanallarni qazish ishlari jadal suratda davom etmoqda.

Gurlan tumani hokimligi Axborot xizmati

Noyabr 15, 2024
Muharrir: Jabberganov Orifjon
Ko‘rishlar soni: 121 marta