Hududlarda tashkil etilayotgan sayyor qabullar aholini qiynab kelayotgan dolzarb masalalarni o‘rganish va ularni joyida hal etishga keng imkoniyat yaratmoqda.

Bugun "Vatanparvar" mahalla guzarida fuqarolari uchun tuman sektor rahbarlarining sayyor qabuli bo‘lib o‘tdi. Unda tuman hokimi Ruslan O’razbayev, tuman sektor rahbarlari, tuman hokimining o‘rinbosarlari, tegishli mutasaddi tashkilot rahbarlari ishtirokida fuqarolarining murojaatlari tinglandi.

Ushbu sayyor qabulda fuqarolar tomonidan ijtimoiy ko‘makka muhtojligi sababli moddiy yordam berish, tibbiy sohada amaliy ko‘mak berish, ish bilan ta’minlash, uy-joylarni kadastr qilishda ko‘maklashish va boshqa bir qator masalalarda amaliy yordam berish bo‘yicha murojaat etildi.

Ochiq muloqot ruhida kechgan uchrashuvda fuqarolar o‘zlarini qiziqtirgan masalalar, tashvishga solayotgan muammolari yuzasidan mas’ullarga to‘g‘ridan-to‘g‘ri murojaat qilib, savollariga amaliy javoblar olishdi.

Sayyor qabul doirasida tuman IIB probatsiya hisobida turuvchi  yoshlar bilan  uchrashuv, mehnat yarmarkasi, aholining salomatligini mustahkamlash maqsadida tibbiy ko‘rik hamda yoshlarning dehqonchilik yarmarkasi tashkil qilindi.

Gurlan tumani hokimligi Axborot xizmati

Sentabr 05, 2024
Muharrir: Jabberganov Orifjon
Ko‘rishlar soni: 76 marta