Tojikiston poytaxti Dushanbe shahri mezbonlik qilayotgan velosportning shosse yoʻnalishi boʻyicha Osiyo chempionatidan xushxabarlar oqimi davom etmoqda.

Terma jamoamiz safidagi eng tajribali sportchi, gurlanlik tajribali sportchi, Olimpiya o‘yinlari qatnashchisi Murodjon Xolmurodov shaxsiy poyga bahslarida muvaffaqiyatli ishtirok etdi.

U erkaklar oʻrtasida oʻtkazilgan shaxsiy poyga bahslarida belgilangan masofani 29:58.291 daqiqa ichida bosib oʻtdi va bu natija bilan u 3-oʻrinni egalladi.

Ushbu distansiyada 1-oʻrin qozogʻistonlik Yevgeniy Fyodorovga nasib etdi. Uning natijasi 28:45.197 daqiqani tashkil etgan boʻlsa, kumush medalga Yaponiya vakili Nariyuki Masuda (29:36.745) sazovor boʻldi.

Maʼlumot uchun: bungacha terma jamoamiz aʼzolari Osiyo chempionatida 3ta oltin va bitta kumush medalni qoʻlga kiritishgan edi.

Mart 28, 2022
Muharrir: Jabberganov Orifjon
Ko‘rishlar soni: 562 marta