“Mening mahallam - mening sudyam” tamoyili asosida jinoyat ishlari bo‘yicha Gurlan tuman sudining tergov sudyasi Dilmurod Yusupov tomonidan tumandagi “Yangi asr” va “Bog‘ishamol” mahallalarida fuqarolar bilan ochiq muloqot o‘tkazildi. 

Mahalla faollari, xotin-qizlar va yoshlar ishtirokida o‘tgan muloqotlarda asosiy mavzu odam savdosi, firibgarlik va xotin-qizlarga nisbatan tazyiq kabi jinoyatlarning oldini olish bo‘ldi. Unda sudda ko‘rilgan shu toifadagi ishlar va tayinlangan jazolar haqida ma’lumot berildi.

Sud-huquq tizimidagi islohotlar, qonunchilikdagi yangiliklari ham ma’ruzachilar e’tiboridan chetda qolmadi.

Davra suhbatida mahalla ahli bilan hududda sodir etilgan ayrim toifadagi jinoyatlar muhokama qilinib, kelgusida mahallada jinoyat sodir etilmasligi uchun birgalikda kurashish lozimligi tushuntirildi.

Uchrashuv ochiq muloqot tarzida davom etib, ishtirokchilarning sohaga doir savollariga javob berildi.

Gurlan tumani hokimligi Axborot xizmati

Fevral 21, 2025
Muharrir: Jabberganov Orifjon
Ko‘rishlar soni: 76 marta