Gurlan tuman “Vazir” madaniyat markazida tuman hokimi Ruslan O’razbayev rahbarligida sektor rahbarlari, tumandagi mahalla yettiligi  hamda aloqador tashkilot rahbarlari ishtirokida mahalla yettiligining faoliyati yuzasidan matbuot anjumani  o‘tkazildi.

Anjumanda “Mahalla yettiligi”ga mas’ul bo‘lgan rahbarlarining hisobotlari tinglandi. Shu qatorda, mas’ullar mavjud muammolar, belgilangan ustuvor vazifalar yuzasidan ma’lumot berib o‘tishdi.

Unda, mahallalarda yashil makon umummilliy loyihasi doirasida daraxt va buta ko‘chatlari ekish, “Obod mahalla”, “Obod ko‘cha”, “Obod xonadon” mezonlarini joriy etishda aholining faol ishtiroki va mas’uliyatini oshirish, “Kambag‘allikdan farovonlik sari” dasturi asosida ishlarni tashkil qilish, aholi xonadonlari va ijtimoiy soha obyektlarini kuz-qish mavsumiga tayyorlash hamda soliq tushumlarini undirish,  elektr energiya va tabiiy gazni iqtisod qilish borasida mas’ullarga tegishli ko‘rsatma va topshiriqlar berildi.

Matbuot anjumanida mahallalarda amalga oshirilayotgan ishlar muhokama qilinib, shu bilan birgalikda kelgusida bajarilishi zarur bo‘lgan ishlar belgilab olindi.

Gurlan tuman hokimligi Axborot xizmati

Noyabr 23, 2024
Muharrir: Jabberganov Orifjon
Ko‘rishlar soni: 121 marta