Joriy yilda “Gurlantumangaz” gaz ta’minoti bo‘limiga jismoniy va yuridik shaxslardan jami 16 ta murojaat kelib tushgan bo‘lsa, shunda 10 tasining ijobiy hal qilinishiga erishildi.  Gaz ta’minoti bo‘limida murojaatlarni tezkorlik bilan hal qilishga e’tibor kuchaytirilgan.

Xususan, joriy yilning 6-yanvar kuni tumandagi “Ziyokor” mahallasi  yashovchi O‘razaliev San’atning uyida suyultirilgan gaz tugaganligi sababli bir ballon suyultirilgan gaz keltirib berishlarini so‘rab O‘zbekiston Respublikasi Prezidentiga Xalq qabul xonasiga murojaat qilgan. O‘razaliev San’atning 7-yanvar kuni gaz ballonini 20 kg suyultirilgan gaz bilan to‘ldirib  imtiyozli narxlarda “Gurlantumangaz” gaz ta’minoti bo‘limi tomonidan iste’molchi xonadoniga suyultirilgan gaz yetkazib berilgan.

Shu o‘rinda ta’kidlash joizki, gaz ta’minotidagi muammolarni o‘rganishda  gaz ta’minoti bo‘limi rahbarlarining joylarga chiqib o‘tkazayotgan  Sayyor qabullari nihoyatda muhim ahamiyat kasb etmoqda. Bugungi kunga qadar mahallalarga borib aholi bilan muloqot tadbirlari tashkil etildi. Xususan, gaz ta’minoti bo‘limi boshlig‘i Dilmurod Xo‘janboevning  Qangli  mahallasida o‘tkazgan aholi bilan uchrashuv tadbirida ta’kidlanishicha, ayrim xonadonlarda suyultirilgan gazdan suv isitish qozoniga yoqish uchun foydalanilmoqda. Bu, tabiiyki, suyultirilgan gazning uni yetkazib berish bo‘yicha tuman hokimligi bilan kelishilgan holda belgilangan  45 kunlik  muddatdan  oldin tugab qolishiga sabab bo‘lmoqda.

 “Hukumatimiz tomonidan  aholi va ijtimoiy soha ob’ektlariga suyultirilgan gaz imtiyozli ravishda ya’ni 1 kg uchun 1120 so‘m narxda yetkazib berilmoqda. Bugungi kunda gaz quyish shoxobchalarida suyultirilgan gaz litri erkin narxda o‘rtacha 3500 so‘mdan sotilmoqda.

“Gurlantumangaz” gaz ta’minoti bo‘limi

Nazorat va murojaatlar yetakchi mutaxassisi                   N.Sh.Shukurlaeva

Mart 15, 2022
Muharrir: Jabberganov Orifjon
Ko‘rishlar soni: 632 marta