Bugun tuman hokimligida umumiy o‘rta ta’lim maktablarining iqtidorli o‘quvchilari bilan uchrashuv bo‘lib o‘tdi. Uchrashuvda tuman hokimi Murodjon Achilov, tuman xalq ta’limi bo‘limi mas’ul xodimlari, maktab direktorlari, maktab o’quvchilari va ularning ota-onalari ishtirok etishdi. 

Tadbirda yaqinda bo‘lib o‘tgan O‘zbekiston Respublikasi Prezidentining sovrini uchun "Xorijiy tillarni o‘qitish bo‘yicha eng yaxshi maktab" tanlovining tuman bosqichi g‘oliblari va ularning o‘qituvchilari tashakkurnoma hamda qimmatbaho sovg‘alar bilan taqdirlandi.

Uchrashuvda tuman hokimi Murodjon Achilov yoshlarning iqtidor va qobiliyatini yuzaga chiqarish va yanada rivojlantirish, ularning istiqbol sari odimlarini munosib rag‘batlantirish maqsadida fan olimpiadalarining faxrli o‘rinlar sohiblariga alohida pul mukofotlarining ta’sis etilganligi ham kelajagimiz egalariga motivatsiya bo‘lib xizmat qilayotgani ta’kidlandi.

Shuningdek, tadbir doirasida fan olimpiadalarida yuqori o’rinlarni egallagan o’quvchilar va ularning ustozlari hamda "Bir million dasturchi" loyihasida frilanserlik qilayotgan  o’quvchi yoshlar ham munosib rag’batlantirildi.

Gurlan tumani hokimligi Axborot xizmati 

Mart 12, 2022
Muharrir: Jabberganov Orifjon
Ko‘rishlar soni: 612 marta