Bugun Gurlan tumani, Amudaryo hududida joylashgan “Oqmon usta” fermer xo‘jaligida g‘o‘zani birinchi kultivatsiya qilish bo‘yicha ko‘rgazmali seminar tashkil etildi.

Unda viloyat agroservis MTP MCHJ raisi o‘rinbosari Maqsud Ustanazarov, tumani hokimining qishloq va suv xo‘jaligi masalalari bo‘yicha o‘rinbosari Baxodir Atashev, fermer xo‘jaliklari va mutasaddi tashkilot rahbarlari, mutaxasislar va nuroniy otaxonlar ishtirok qildilar.

Seminarda sohada ko‘p yillik tajribaga ega mutaxassislar tomonidan g‘o‘za nihollarini to‘liq undirib olish, ularning o‘sib-rivojlanishini tezlashtirish,  paxta maydonlarini begona o‘tlardan tozalashda ekin qator oralari tuproqlarini to‘liq va sifatli yumshatish bo‘yicha tushuntirish berib o‘tildi.

Shundan so‘ng nuroniylar duosi bilan dalalarda birinchi kultivatsiya qilish ishlari boshlab yuborildi.

Gurlan tuman hokimligi Axborot xizmati

Aprel 18, 2022
Muharrir: Jabberganov Orifjon
Ko‘rishlar soni: 734 marta