Bugun “ISHONCH” do'konlar tarmog'i  Gurlan tuman filialining ochilish marosimi bo'lib o'tdi. Tadbirni investitsiyalar va tashqi savdo masalalari bo’yicha tuman hokimining o'rinbosari U.Jumagaldiyev ochib berdi.

Shuni alohida ta'kidlash lozimki, Gurlan tumanida ishga tushirilgan “ISHONCH”  savdo do'konida 57 ta yangi ishchi o'rin yaratilgan bo'lib, buning natijasida ko'plab gurlanlik yoshlar ish bilan ta'minlandi.

Ushbu filialning ochilishi  bilan tuman aholisiga ko'plab qulayliklar va imkoniyatlar yaratildi. Jumladan, budjet tashkiloti xodimlari va nafaqadagi shaxslar uchun 15 daqiqada  birgina fuqarolik pasporti bilan muddatli to'lov shartnomasini tuzib, maishiy texnikalar, uy-ro'zg'or buyumlari, sport anjomlari, santexnika mahsulotlari, avtomobil ehtiyot qismlari, qurilish materiallari, parfumeriya kabi 7000 dan ortiq turdagi mahsulotlarni  xarid qilishlari mumkin bo’ladi.

Dekabr 11, 2021
Muharrir: Jabberganov Orifjon
Ko‘rishlar soni: 678 marta