Бугун 11 декабрь куни Гурлан туман ҳокимлиги, туман прокуратураси ва аҳоли бандлигига кўмаклашиш маркази ҳамкорлигида бўш иш ўринлари меҳнат ярмаркаси ташкил этилди. Унда иш топишда қийналаётган ва муносиб иш ўрнига эга бўлмаган 100 дан ортиқ фуқароларимиз, хусусан, "Темир дафтар", "Аёллар дафтари" ва "Ёшлар дафтари"га рўйхатга олинган фуқаролар иштирок қилдилар.

       Меҳнат ярмаркасида тумандаги 38 та корхона ташкилотлар ўзларидаги 171 та бўш иш ўринлари билан иштирок этдилар. Ярмаркада иштирок этган фуқароларнинг 10 нафарига ишга жойлашишлари учун, 30 нафарига қайта касбга ўқитиш курсларига йўлланмалар,  60 дан ортиқ иштирокчиларга эса меҳнат қонунчилиги доирасида маслаҳатлар берилди.

            Меҳнат ярмаркасида туман прокурори Қ.Рахмонов ва унинг ўринбосари Э.Хўжаевлар ёшлар  билан мулоқот қилиб, ўзларининг тавсияларини бердилар.

Гурлан тумани ҳокимлиги Ахборот хизмати.

Dekabr 11, 2020
Muharrir: Jabberganov Orifjon
Ko‘rishlar soni: 928 marta