Xabaringiz bor, Shavkat Mirziyoyevning «Yangi O‘zbekistonning 2022–2026 yillarga mo‘ljallangan taraqqiyot strategiyasi to‘g‘risida«gi Farmonida Qoraqalpog‘iston Respublikasi va Xorazm viloyatida umumiy o‘rta ta’lim maktablarining boshlang‘ich sinf o‘quvchilarini 2022-yil 1-apreldan boshlab bepul ovqat bilan ta’minlash tizimini joriy etish belgilab qo‘yilgan edi. 

Gurlan tumanida ham tajriba sinov tariqasida boshlang‘ich sinf o‘quvchilarini sog‘lom ovqatlantirish maqsadida tajriba-sinov tariqasida keytering usulida bepul ovqat yetkazib berish boshlandi.

Keytering usulida ovqatlanishni tashkil etishda, avvalambor, bolalar kunlik ratsionlarida talab qilinadigan 470-500 kkaloriyaga ega bo‘lgan ovqat, tabiiy sok va meva mahsulotlari bilan ta’minlanadi.

Oziq-ovqat mahsulotlari o‘quvchilarga sanitariya va gigiyena qoidalariga rioya qilgan holda katta tanaffus vaqtida tarqatilmoqda.

Gurlan tumani hokimligi Axborot xizmati 

Fevral 12, 2022
Muharrir: Jabberganov Orifjon
Ko‘rishlar soni: 628 marta