Гурлан туманида энг улуғ байрамимиз Мустақиллигимизнинг ўттиз йиллиги арафасида янги ташкил қилинган муассасалар фойдаланишга топширилмоқда. Жумладан, “Шанғи” маҳалласида янгидан қурилган оилавий поликлиниканинг очилиш маросими бўлиб ўтди.

Очилиш маросимида туман ҳокими М.Ачилов, сектор раҳбарлари, мутасадди ташкилот раҳбарлари ҳамда меҳнат фахрийлари иштирок қилдилар. Янги оилавий поликлиника қишлоқ аҳли учун мустақиллигимизнинг 30 йиллик байрамига ҳақиқий туҳфа бўлди.Туман марказидан  узоқда бўлган “Шанғи” маҳалласи аҳли яратилган шароитлардан мамнунлигини билдирдилар. 

Шунингдек, шу куни “Оқ Қуш” ўқув маркази очилиш маросими ҳам бўлиб ўтди. Мустақиллигимизнинг ўттиз йиллиги байрами олдидан очилган ушбу марказ ёшларни олий ўқув юртларига тайёрлашга хизмат қилади.Ўқув маркази 120 нафар ўқувчига мўлжалланган бўлиб, унда 6 нафар малакали фан ўқитувчилари машғулот олиб боради.

Гурлан тумани ҳокимлиги Ахборот хизмати

Avgust 30, 2021
Muharrir: Jabberganov Orifjon
Ko‘rishlar soni: 905 marta