Ижтимоий ҳимояга муҳтож, эҳтиёжманд хотин-қизлар қўллаб-қувватланмоқда
Давлатимиз раҳбари томонидан коронавируснинг иқтисодиётга салбий таъсири ва глобал инқирозни юмшатиш бўйича қабул қилинган Фармонга асосан, Ўзбекистон касаба уюшмалари Федерацияси Кенгаши томонидан тумандаги кам таъминланган оилаларда яшовчи хотин-қизлар қўллаб-қувватланмоқда.
Куни кеча сектор раҳбарлари, вилоят касаба уюшмалари ташкилотлари бирлашмаси раисининг маслахатчиси Б.Исмаилов ва туман маҳалла ва оилани қўллаб-қувватлаш бўлими бошлиғининг биринчи ўринбосари Н.Бабажановалар бошчилигида тумандаги ижтимоий химояга муҳтож хотин-қизларнинг мурожаатларига асосан 7 та замонавий тикув машинаси, 1та нон пишириш ускунаси, музлатгич, газ плитаси ва телевизорлар масъуллар томонидан топширилди.
– Мен тикувчилик қилиб оиламнинг даромадини яхшилаш мақсадида тикув машинаси сўраб мурожаат қилган эдим, мана бугун тикув машинаси олиб келиб беришди, - дейди Чаккалар маҳалласида яшовчи Муқаддас Сапарбоева. – Ёшлигимдан тикувчиликка қизиқаман. Келажакда ўзимнинг тикув цехимни очиб, ўзим қатори кўплаб аёлларни иш билан таъминлаш ниятидаман.
Бу каби ҳайрли ишлар туманимиз бўйлаб давом этмоқда.
Гурлан тумани ҳокимлиги Ахборот хизмати.
Muharrir: Jabberganov Orifjon
Ko‘rishlar soni: 845 marta