“АЁЛЛАР ДАФТАРИ”ГА КИРИТИЛГАН ХОТИН-ҚИЗЛАР ҚЎЛЛАБ-ҚУВВАТЛАНМОҚДА
Бугун 23 январь куни Гурлан тумани “Нуробод” маданият марказида Маҳалла ва оилани қўллаб-қувватлаш вазирлиги ташаббуси билан вилоят ва туман судялари, сектор раҳбарлари ҳамда бошқа тегишли ташкилот ходимлари иштирокида “Аёллар дафтари”га киритилган 500 нафарга яқин хотин-қизлар билан мулоқот ўтказилди.
Учрашувда аёллар томонидан уй-жой, иш билан таъминлаш, тиббий ёрдам кўрсатиш ва бошқа масалалар юзасидан қилинган 100 дан ортиқ мурожаатлар ўрганилиб, амалий ёрдам берилди. Жумладан, 4 нафар аёлга даволаниши учун Ордер, 6 нафар аёлга ишлаш учун йўлланма ва кредит масаласида мурожаат қилган 2 нафар аёлга тавсиянома берилиб, муаммолар жойида ҳал қилинди. Айрим ўрганиш ва муддат талаб қиладиган масалалар тегишли ташкилотлар томонидан назоратга олинди.
Мулоқот давомида ҳуқуқий маслаҳатга эҳтиёжи бўлган хотин-қизлар ўзларини қийнаб келаётган барча саволларига жавоб олдилар.
Гурлан тумани ҳокимлиги Ахборот хизмати
Muharrir: Jabberganov Orifjon
Ko‘rishlar soni: 775 marta